كلمات ربعي العجمان حمد الطويل
مرحبا واعداد ما حول على الوديان سيله
مرحبا واليوم كنّي يابني عمي معايد
مرحبا في محفل الحثلين شيخان القبيله
هم عمود البيت وحنا له ذرا وقت الشدايد
القصيدة
من هجوس الشاعر الي مايجيب الا الجزيلة
اترقب له فجوج الناس من شتى البدايد
جبت عصما تحتفل مثل البروق المستخيله
كل ماناضت بروقه اتصيّد للشرايد
ماتعوّدت ابدع القيفان فبياتً هزيله
بادعه باهل القنازع لابتي والشبح نايد
شاعرً ماهو يوقف لبن عمه ثم يشيله
ويش عذره لابدا الازم وجا وقت القصايد
والقصيده تستحق اليوم رجل وتنثنيله
لبن سبعان الشكاله والمروّه له عوايد
مرحبا واعداد ما حول على الوديان سيله
مرحبا واليوم كنّي يابني عمي معايد
مرحبا في محفل الحثلين شيخان القبيله
هم عمود البيت وحنا له ذرا وقت الشدايد
في حفل سلمان جينا ونحضرله ونعنيله
محزمً لاصكت الدنيا وشبت بالوقايد
لازهمته جاك كله واشهد ان مافيه حيله
يا سنايد واحدن في ذا الزمن ماله سنايد
لاغرابه وانت ابن حثلين شيّال الثقيله
جعل يفداك الردي والاش خمّام الوسايد
ياولد منهو يشيل الحمل من ثم يرتكيله
ذا فلاح الي على الوقفات متعب كل كايد
ورث الشايب رجالً ماتعرف المستحيله
جعل قبره يزدهر في كل ليله ويتزايد
هم بني عمي عمى العيّال في يوم الوهيله
يعجبون العين ربعي ستر زاهيت القلايد
ربعي العجمان ماكرهم على راس الطويله
لانزلنا ماغزينا الا وسيعين البنايد
ندفن احلام الحريب الين يفنا مع عميله
من يناطحنا يذوق الموت ويشوف الزهايد
كم خصيمً قد بغانا ثم غدت داره محيله
من فعل ربعي نهار الكون بمات الحدايد
ان زعلنا نجعل الدنيا عليهم مستميله
وان رضينا نجعل الاعمار بعد الله مدايد
قالها الي كل ما تطري له ابياتً جميله
مايجيب الا جزال الشعر وجزال الفرايد
كلمات اغاني حمد الطويل ربعي العجمان
غناء : حمد الطويل
كلمات : خالد بن عسكر
الحان : حمد الطويل