كلمات ربك هو العالم احمد منيب
ربك رب قلوب
مين عارف يا حبيبى
ايه لينا مكتوب
واحنا قلوب مشتاقة
والدنيا سراقة
دنيا فيها الغالب
تانى يوم مغلوب
دا عاوز يكوش
ع العالم بحاله
ودا عاوز يهوش
يعمل ما بداله
ربك هو العالم
بالغانم والسالم
والقلب البرانى
والقلب الحليم
ودا عايش فى كدبة
كدبة كل يوم
جوا نفسه غربة
وبرا حياته هموم
ربك هو العالم
بالصاحى والنايم
والقلب البرانى
والقلب الحليم
ودا معايا بيمشى
وغلاوته غلاوة
ليه يضحك فى وشى
ويخبى العداوة
كلمات اغاني احمد منيب ربك هو العالم
غناء : احمد منيب
كلمات : عبد الرحيم منصور
الحان : احمد منيب