كلمات رجاي العذب فايز العتيبي
وانا لامن ذكرتك قلت طولي يامشاويري
عزاي انك رجاي العذب لو كل الدروب عثور
وصلت او ماوصلت اعرفك ما انته منتظر غيري
حبيبي وكل الله لاتحسبني بليد شعور
لو انت المستحيل الصعب ما ابدي لك معاذيري
احبك لو يموت الحب وتصير القلوب قبور
اشوف الجرح يكبر وانت تكبر وسط تفكيري
احبك من هنا حتى طلوع الفجر حتى النور
صحيح انك قدر محتوم بس اجمل مقاديري
احد ربي يحطك له حبيب ومايجيه غرور
انا ليه التفت للناس وعيونك جماهيري
هلابك من قدمك لغرتك لي شعرك المنثور
هلا في كل شي فيك وانت اغلى مسايري
ترى صدق الغلا يجبر حطام الخاطر المكسور
وانا مهما منحتك من غلاي اشعر بتقصيري
ولو طالت مشاوير الطريق المظلم المهجور
انا لامن ذكرتك قلت طولي يامشاويري
كلمات اغاني فايز العتيبي رجاي العذب
غناء : فايز العتيبي
كلمات : مساعد الرشيدي
الحان : فايز العتيبي