كلمات عزفة العود فايز العتيبي
نبت ضرس عقله وانتهت مرحلة طيشه
قبل مستحيل ظروف وقته عليه تبين
وهالحين جرحه يكنشف قبل تنبيشه
وقع فالغرام اللي ما يدري يجيه منين
وجا معطي العالم والايام تطنيشه
ما يظهر ولع صدره لا شيشه ولا تدخين
ولاهوب راعي لا زقاره ولا شيشه
تولع تقول مولع فيه بـ البنزين
ولحق مساريه الطويله مغااااابيشه
يا روحي ويا قلبي ويا عيوني الثنتين
برجع معك عمري من الصفر واعيشه
تبعتك وانا خايف لا يتبعني الغاوين
ولاعبتهم يوم اظلم الليل خشيشه
وصلت الشمال وجيت منكف لخط الرين
وعهدي بهم يوم اختفو من ورا بيشه
عليك العيون تغار ويغار منك الزين
معك قوة ما جابهااا هتلر وجيشه
اعيونك تحييها المنازل تحية عين
وصوتك ينافس عزفة العود بالريشه
من يشوف وجهك طاب حظه لونه شين
ونسى جور وقته في حياته وتهميشه
حبيبك وصل لـ اخر مدى كان ما تدرين
زهد فالزمن كنه من ازهد دراويشه
ولا تسالينه من غرامك بيوصل وين
تجاوز حدود الحب وانقاط تفتيشه
معلومات الاغنية
كلمات عناد الشيباني
تسجيل تـون لايـف
هندسة و توزيع عبدالرحمن الشهري
جرافيك ناصر البقمي Nasser I
كلمات اغاني فايز العتيبي عزفة العود
غناء : فايز العتيبي
كلمات : عناد الشيباني
الحان : فايز العتيبي