كلمات رجل المكارم جمعه العريمي
والشكر والتقدير والعرفان
واذا قطعت من الدروب دروب
اقبل على ديرة آل نهيان
القايد المتفرد المحبوب
محمد ابن زايد ابن سلطان
فـ العين قيل والفلا معشوب
وللقوع حث ركابك مسيان
سلم على ناصر ابن ثعلوب
سلام يالدرعي رفيع الشان
تلقى السمان مبركات فـ صوب
ومزعفره تغلي على النيران
والعود الازرق واللبن محلوب
من الاصايل ترثة الجدان
والمرحبا من شامخن مذروب
تجلي الهموم وتسلي الاحزان
صافي وقلبه انصع من الثوب
كريم لا قيل الكريم معان
يفداه منهو ع الكرم مغصوب
ويتثاقل ان مروا معه عربان
في كل شي ابو محمد TOP
متميز ويشهد له الميدان
اذا قنص ما حط شبحه كوب
عشاه جابه من خشوم الزان
واسلوب طيره نفس هالاسلوب
خلى الحبارى مالها جنحان
مدح النشاما ما عليه ذنوب
مفروض نمدحهم قدر الامكان
ابني القصيدة طوب فوقه طوب
لين اكتمل من فكري البنيان
سلام يا ناصر ابن ثعلوب
ابو محمد يا رفيع الشان
كلمات اغاني جمعه العريمي رجل المكارم
غناء : جمعه العريمي
كلمات : حمود بن وهقه
الحان : جمعه العريمي