كلمات رعاده والطافح لابن الدعيه خالد ال بريك
تجاذب احساسه شعوره وغنا
يعيش له في واقع كله اوهام
اللي يخلي كل سالي معنا
الناس ما تسلم من صدوف الايام
ما فيه احد قد عاش عمره مهنا
السالفه ماهي بتحقيق الاحلام
والحظ ما ياتي على ما تمنا
غير الوكاد الى حصل موقف هام
من واجب الطيب ما نيب اتونا
انا حزام اللي يشوف اني حزام
وعلى خصومي مثل رمح المطنا
يا ابن الدعيه قدم السود قدام
واهم شي انها من عموق ابلنا
اللي ندربي عندها روس الاخصام
وسيوفنا من دون ابلنا تحنا
رعاده اللي تجعل الخصم ينضام
و الطافح اللي من مواريث اهلنا
ما حن نقدمها على شان الاسوام
انجيبها والى هرجنا فعلنا
اقدم بها يا محزمي واقلط شمام
سما سما واللي تدنا تدنا
يا ضلعنا اللي ما تحركه الانسام
ما هو بغصنن للهبوب يتثنا
مثل ما قال الاكلبي وانت مقدام
تخشى جمال القوم هدرة جملنا
نبغي نسريهم مع الشارع العام
ونقصر العنوه على من تعنا
اهم شي ان رقم واحد في الارقام
يبقى لنا من يوم صرنا وكنا
كلمات اغاني خالد ال بريك رعاده والطافح لابن الدعيه
غناء : خالد ال بريك
كلمات : سالم بن سعود الدعيه
الحان : خالد ال بريك