كلمات ركن في عبيدة ورمز في قحطان متعب الفهادي
والله انها سلوة النفس والخاطر لاشان
اتحاشى جمعة الناس واخذ كم يوم
منعزل عزلة هل الدين في شهر رمضان
اشهد ان البعد نعمة ولايلحقك لوم
وانت حاضر لابدا واجب اللازم وحان
لا اتقت شمس العصر في الطويل من الحزوم
ضقت ضيقة من فقد له ربع ولا اخوان
ويهدا بالي لاغابت مراقيب النجوم
معا سكون الثلث الاخر قبل وقت الاذان
ساعة فيها اكثر الناس في لذات نوم
والحظيظ يناجي الله ويطلبه الامان
واهس اشعاري لوان فيه كبر وفيه زوم
عنده احقوق النشاما لها قدر وشأن
مستحيل اهين نفسي واجامل لي رخوم
وامدح اللي مدحهم زيف وقصور وهوان
الظروف تضيق الصدر لو هي ماتدوم
والهقاوي ماتعنز على الغصن الليان
والقريحه ماتطاوع على مدح العموم
نفسها شينه وفيها شموخ وعنفوان
وان بغيت اسرج من افكارها قبا قحوم
مهرة ماتنتذاود بلا سرج وعنان
تمدح الطيب لو الناس معطى ومحروم
نادر كن فعله لمدحته شاهد عيان
العديم اللي يوقف الى جات العلوم
وراعي الحكي المجمع غدت عشره ثمان
مثل ابورايد وشرواه من روس القروم
عايذي كنه يعطي على العليا ضمان
اصوك سمعته تطرخ على روس الرجوم
الحصان اللي تسلسل من سلالة حصان
عايذي عنده المجد والعز معزوم
المدرع درع ربعه ليا مس البطان
يامحمد وانت شيخ مقدر ومحشوم
عند ربعك والمعارف ولك قدر ومكان
وفي الحكومه واصل عند حاكم ومحكوم
وجاهك يقدر ولو ماصدر بااسمك بيان
كيف ماامجد فعولك وانا من روس قوم
وانت ركن في عبيده ورمزن في قحطان
كلمات اغاني متعب الفهادي ركن في عبيدة ورمز في قحطان
غناء : متعب الفهادي
كلمات : محسن فالح الشكرة الدوسري
الحان : متعب الفهادي