كلمات واهج القيض متعب الفهادي
قلت له عن حالتي لا تحاسبني
وش اسوي كان انا همي ارهابي
كل ما قلت انتهى رد وارهبني
كنه الكابوس وينرفز اعصابي
من ثلاث عقود ثابت و عذبني
ما قريت سطور الافراح بكتابي
ما كتبت الشعر انا الشعر يكتبني
ما كتبت الشعر من شان الاعجابي
الحقايـق واضحه يا مـكـذبـنـي
ليتني عشت بزمن نجع الاعرابي
السراب بواهج القيض يطربني
مجلس الحقران عنه اشري غيابي
للهدام اللي على المهزله مبني
سندباد الفكر بديار الاغرابـي
في فجوج البيد للوجد يجذبني
يوم اشوف الوقت بطشه تمادا بي
انتخي كنه على الوجه ضاربني
اخفي الآهات دون اقرب اقرابي
لا يـعـاتـب والليـالي تـعـاتـبـنـي
الكرامه لو على قطع الارقابي
والحياد وعزة النفس تعجبني
كيف اخفف لهجة الغيض يا اصحابي
الـبـيـوت الــهــاديـه ما تـنـاسبني
ماقريت سطور الافراح بـكـتـابـي
ما كتبت الشعر انا الشعر يكتبني
كلمات اغاني متعب الفهادي واهج القيض
غناء : متعب الفهادي
كلمات : عبدالله محمد الشمري
الحان : متعب الفهادي