كلمات رماد ونوس
و أنسى ان السواد جوايا و ابدأ ادور عـ الفواتح
و اتقبل عادي ان المكان ده مش مكاني
ملهاش لازمة احاول تاني ملهاش لازمة اجلد في ذاتي
انا استكفيت وهمك غلبني و قلبي ميل
و انا مش وحش ولا قليل بس معاكي انا ببقى عيل
مش حاسبها بتصرف تلقائي و بسيبها
لكن لو مش فاهمة ده قوليلي طيب مين هيفهم
انا مش عارف مسار اجباري مشيت مخالف
كل شيء كان ماشي عكسي و انا مرعوب مش بس خايف
كل شوية اخسر حاجات و انام و بصحى بدون كلام
مبشتكيش و لو اشتكيت بيبقى ده نهاية الـ Chat
مبيردوش و انا مش زعلان عشان حقهم
حكيت من نفسي مجاش سؤال واحد منهم
بس الأمور تمام بعيد عن الدخان
انا معرفتش اكون مفضل ولا كـ شخص ولا فنان
محروق يدوب متبقي مني رماد و بس
في جرح في قلبي ميعالجوش دوا أو لزق
و الناس بتنسى حد عشان بتلاقي حد
فـ نصيحة مني متأمنش و متصدقش
عديت الصدمة بـ صدمة جديدة
و لجأت لـ ربنا مش للـ دخان و البيرة
مع إن صعب إني أنسى جروحك القديمة
شكرا على كل حاجة حسستيني بيها
شيطان بريء منامش غير على حدوتة
كان نفسي احكيلك بدل ما احكي في قلب نوتة
مش عارف أنسى لكن سامحت مش بسهولة
بس سامحت و المهم في النهاية انك موجودة
و كله عدى انا بكتب دلوقتي الساعة خمسة
فجري شقشق و انا منمتش كاتم تنهيدي في مخدة
من سنين و دموعي غايبة و النار في القلب قايدة
كل ده انفجر دلوقتي انا بـ انهار و الناس دي نايمة
بس عادي دلوقتي عرفت فين مكاني
أنا جميل طول ما انا بعيد خلي اللي بينا يكون أغاني
و من بعيد لـ بعيد هراقبك علشان لو قربي خانقك
مانتش مجبر انك تسمع اسف لو ضيعت وقتك
محروق يدوب متبقي مني رماد و بس
في جرح في قلبي ميعالجوش دوا أو لزق
و الناس بتنسى حد عشان بتلاقي حد
فـ نصيحة مني متأمنش و متصدقش
كلمات اغاني ونوس رماد
غناء : ونوس
كلمات : ونوس
الحان : ونوس