كلمات زواج الشاعر جابر المحمود علوش بن قضعان
خذت بي هواجيس الشعر والشعر دوره
لهاك الزمان الفايت الماضي المشهور
زمان القصيد اللي قصايده مشهوره
من عكاظ للكوفه ضحى مع شعاع النور
ليا نجد و انا اهيم في كل معموره
و وقفت في بيتٍ عليه العباد اتدور
اعدّ الجزال اللي على البيت مسطوره
جزال القصايد تبرز الشاعر المغمور
وتظهره فالساحة وتعطيه جمهوره
لو انّه مهو مشهور والا معه جمهور
قصايده فالساحات ماهيب مغموره
وانا شاعر و ليّ اسمي وما علي قصور
اغوص افبحور الشعر واطلع بباكوره
لو انّي لحقت ايام ابو جعفر المنصور
لأسببلهم من قافي المشتحن ثوره
و (لو ) كانها تنفع؟ تبي تنفع المقهور
وتحيي لك اللي تحت الألحاد مقبوره
نعيد الخطا و الذنب بإذن الولي مغفور
بعد توبة الله كلّ الآثام مغفوره
على الوقت لا تشره و خلّ الزمان يدور
ترى نوب يصفى لك ونوبات مخطوره
وانا صافيٍ لي من سنين وثمان شهور
بعد صافحت يمناي يمناه مشكوره
ولد عمّ لا عدّوا هل الجود جاه الدور
على لستةٍ فيه الآجوايد مذكوره
بن محمد المحمود جابر عدو البور
تشوف الوفا داخله بالصوت والصوره
من آلاد قومن مالهم في كلام الزور
تعشق المراجل عشق الأجناب للكوره
على محفله روس الأشانيب جته حضور
هل الطيب و رجالٍ من القوم منعوره
هلا مرحبا باللي لفى محفل المنعور
ارحبّ باسم ربعٍ لهم فالقدا دوره
من طريف للخفجي ليا عقب راس الزور
ومن الخرج لإبقيق و ورى راس تنوره
ابن سلمي اللي فالمراجل غدا دكتور
فعايله في صدر العريبين محفوره
حكيمٍ وحاذق، شاعر، آديب، طيّب شور
اشاوير راسي ما تجي غير من شوره
يجي للمواقيف الكبيره و هو مكبور
يحدحد بها يمنى ويسرى بماصوره
سنيد الضعيف و ممّن الخايف المذعور
فعوله تطلّع ولد الأنذال عن طوره
محيط الكرم ويصبّ في تسع عشر بحور
ياكم غْرق فيه اللاش واصطكت بحوره
يوقّف على بابه كرام العرب طابور
مثل جمركٍ فيه المخاليق محشوره
يقلّط مساييره على ناهي المنحور
يوم انّ الردي قلّط على ربع شابوره
مجمّل تميم و موقفه فالعرب مخبور
على الناس ينهل كنْه ينهل بناعوره
معلومات الاغنية
كلمات : ابراهيم الدامغ
اداء : علوش بن قضعان
كلمات اغاني علوش بن قضعان زواج الشاعر جابر المحمود
غناء : علوش بن قضعان
كلمات : ابراهيم الدامغ
الحان : علوش بن قضعان