كلمات كبرنا علوش بن قضعان
وراحت سنين العمر ماشافته عيني
سقى الله علي عيد الطفوله انا وياه
وعلى عمره اللي كان به مايخليني
كبرنا وفرقنا العمر والوجه والجاه
ولاعادني بجي ولاهوب ياتيني
احبه واداري سمعته واحشمه وادراه
ولا احد يساوي هيبته فالمزاييني
تمكن من عروق الحشا لين جاب اقصاه
واشوفه بقلبي جارين في شراييني
ولا له خشير بالغلا والوفا والله
مخالط نسم صدري بصدري ومحييني
تغلغل بجوفي بالغلا اللي عطاني اياه
صفط لي مصافيط عن الناس تغنيني
الا تل قلبي تل دلو قليل ماه
على اللي فراقه داخل الصدر كاويني
الا ليت ربي ماكتب لي عنا فرقاه
ولا الله كتب لي عقبه اصفق يديني
انا لابغيت اسج عادت علي ذكراه
وانا علتي ذكراه دايم تبكيني
لو ان الفراق برغبته مانطقت الآه
لكن النصيب اللي وقف بينه وبيني
معلومات الاغنية
كلمات مانع بن قضعان
مكس وتوزيع تون لايــــــــف
جرافيك سعيد عسيري
كلمات اغاني علوش بن قضعان كبرنا
غناء : علوش بن قضعان
كلمات : مانع بن قضعان
الحان : علوش بن قضعان