كلمات سامحونا احمد ال شملان
وان منعنا القل محد منعنا في غثاه
مرة ندحم مع القوم بالجنب المتين
ومرتين الذيب فالليل مايلقى عشاه
سامحونا واقبلو عذرنا يامسلمين
من تلمس عذر لاخيه فالدنيا لقاه
والله انا مانجنب عن العلم السمين
دامنا باقين فيها على قيد الحياه
غير تلغفنا الذواري من يسار ويمين
والزمان الشرس من فوقنا تومي عصاه
ان جملنا جملونا مع المتجملين
وان عسرنا الوقت فالعذر يامال الغناه
وان شكرتونا فحنا لكم مالشاكرين
وان نسيتونا فمعروف والله مانساه
يقطع الله من يسب الرجال الطيبين
لجل شي جا يدور عليه وماخذاه
ان تعذر منه شمت عليه الشامتين
وان عطاه اليوم واصبح لا كنه ماعطاه
كلمات اغاني احمد ال شملان سامحونا
غناء : احمد ال شملان
كلمات : سعيد بن مقبل الاكلبي
الحان : احمد ال شملان