كلمات سيف الرئاسه جمعه العريمي
اسمحوا لي يا جماهير الذلايل
الحمر لامن حظر يزها لباسه
بالفعول الي عليها الشك زايل
وانشدو جمهوره واهله وناسه
كان للواقع تدورلك دلايل
منهو اللي حط للموروث ساسه
ومنهو الي نومس شيوخ وقبايل
ومنهو الي دعمه يدرس دراسه
يوم يشري كل مفروده وحايل
والسوال يجاوبك مرفوع راسه
شوف من يلبس عقال السبق مايل
لا حظر سلطان شيخن به فراسه
داعم الموروث في شتا الوسايل
وانتقى من ندر الماسات ماسه
السبوق الي من خيار السلايل
و بتدا شوط التحدي والحماسه
واحظرن من خيرة الهجن الاصايل
كل من فالشوط له نهج وسياسه
والنصيب يوزعه منشي المخايل
في نهارن ما وجد فيه انتكاسه
كلن بيمناه يجني له فعايل
الذهب معدنه يفرق عن نحاسه
والجمايل باقية لأهل الجمايل
والشعار اللي لنا صعب مراسه
كم سوى فالميادين الهوايل
يوم يات الي بها يجني غراسه
حايلن باسم الذي له شبر طايل
كنها ذيبن به عزوم وشراسه
وكنها المغوار يوم الدم سايل
اتلذع ما شكت عوق وعماسه
للذهب والسيف من قامت تخايل
روحت فيها على السرعه وناسه
والمضمر ضارين كسب الاوايل
كنه تعزوا وخذ درعه وطاسه
ولبته كنها شجاعن به صمايل
واهدت الناموس للي قو باسه
يستمد الشعب من عزمه حصايل
ريس الدولة وحن شعبه و ناسه
عزنا لي ما ندور له بدايل
ما يروح السيف الا للرياسه
اسمحوا لي يا جماهير الذلايل
معلومات الاغنية
كلمات سالم عبيد المزروعي
اداء جمعه العريمي
توزيع ومكس م عبدالرحمن الشهري
فيديو المفارق
كلمات اغاني جمعه العريمي سيف الرئاسه
غناء : جمعه العريمي
كلمات : سالم عبيد المزروعي
الحان : جمعه العريمي