كلمات شعار الصعب جمعه العريمي
في داره وفي غير داره
يا أهل الهجن في كل دوره
الرمز ينزع بالشطاره
واللي يبي الناموس يرخي
كفه ولا يحسب الخساره
ومحمد المرخان قده
يا كم نزع شاره وشاره
لي ماخذ الناموس عادة
والرمز ياخذه بجداره
في مهرجان الشيخ زايد
وكد حضوره وانتصاره
بإنتاج ولا بالشرايا
جعدانه وصفوة بكاره
اللي تفوح ونار تلضي
من قبل لا تفك الستاره
وإن روحن شرد يوازي
ولا خيول تشن غاره
حتى المصور باح سده
امرشح ولاقى انبهاره
فعل انتباه وفعل لاضي
يعطي الجماهير الإثاره
حطام للتوقيت حطم
أما ثقه عزم وجساره
ربي خلقها للزعامه
ما تشوفها الا في الصداره
كنها تقول ازهل علينا
واحنا جنودك في الاماره
ما خيبت هقوة محمد
دايم تسوق إله البشاره
يستاهل الناموس لنه
يزهى بقدره واقتداره
لي ميزه ربي بطيبه
وأخلاقه وهيبة وقاره
مدات كفه يود وسمي
في هجنه وضيفه وجاره
وعلى يمينه عبيد صقرا
ماخذ فعوله والبصاره
من وين مايبغيه هده
والحر تكفيه الاشاره
يا أهل الهجن في كل دوره
الصعب معروفن شعاره
كلمات اغاني جمعه العريمي شعار الصعب
غناء : جمعه العريمي
كلمات : طلال الحربي
الحان : جمعه العريمي