كلمات شيخة الغيد محمد العيافي
وانتحى فوق دار مشيدين الرباعي
جعل سيله على دار الولايف يطرا
لين يجذب هل الناقه وذكره يذاعي
يا وجودي على المنهاج و البعد برا
عن زحام المدن والعالم الاجتماعي
قلبي اللي على الصكات قد هو مضرا
من صدوف الليالي قام يشعاه شاعي
شف بالي على الجمس الجديد المسرا
صوب مدهال بدو ينزلون الرفاعي
في نحا العيطموس اللي غلاها يدرا
شيخة الغيد بنت اللي يحل النزاعي
بنت عود زمان الجوع رحب و قرا
شايب يزهمونه بالكريم الشجاعي
يا عشيري تراني للوصال اتحرا
وانت عقب المغيبة والبطا ما تراعي
كل ما راح ثلث الليل قمت اتورا
اسبر النجم واجاوب قنيب السباعي
هاضني بارق سمار في عرض غرا
أسبره لين بان الصبح و القلب واعي
قمت اخيله وعيني صوبكم واتمرا
غايتي في لقاك و نجدتي من ذراعي
الحياء طاح و العساس صوبك تجرا
لا تقولين لي جيتك من غير داعي
جعل وبل المطر يروي ثرا كل عرا
لين ترتع حلال القوم من دون راعي
يوم بيت الشعر ينصب و جاله يذرا
في فياض مغطيها خضار المراعي
لا تهيا الوصل ما عادني بأتدرا
والمراسيل ما ترسـل مع كل ساعي
حي شوف القبال اللي مهوب يتزرا
فيه زين الوصوف و فيه زين الطباعي
برى حال الهواوي بري عودن يبرا
يا البريقع على ذيك العيون الوساعي
لو لمح زولك اللي شاب عمره و هرا
عاد فيه الشباب وجاء يحث المساعي
و الله ان شوفتك سرا و غيبتك ضرا
قبل تومي بي الدنيا و تطوي شراعي
حال من بيني و بينك عذول مغرا
جعل من لامني تنعا عليه النواعي
والله اني بعد غيبتك كني مورا
والمورا بعض الاحيان ماهوب ياعي
من تجرد عن احبابه و حبه تعرا
وانتهى به مطافه للشقا والضياعي
ويش يـعـذر عميل من عميله تبرا
ما لعذره طريق و ما لبعده دواعي
ادلهي في حشاي و خلي الناس برا
وارحمي حالتي لا جاء نهار الوداعي
كلمات اغاني محمد العيافي شيخة الغيد
غناء : محمد العيافي
كلمات : علي الشناني
الحان : محمد العيافي