كلمات طاح الربيع نواف الرجباني
مع خوة رموز الوفاء والرجوله.
وانا مرامي مع بعيد المراميع..
اللي مع السجه توانا زموله..
شرواك يافايز وشروى المسانيع..
اللي على الهقوة تبين فعوله...
البرق جاله في سمانا تلاميع..
هل المطر والوسم باول دخوله...
وقامت سنابات المواقع له تذيع...
وجتنا تصاوير البرد مع سيوله...
نوه عريض وماقعه فالمرابيع...
عم النوابي والسهل والدحوله
من ديرة العجمان ليا وادي سبيع...
وشرق على الوادي تبين فعوله...
من عقب سابع جاء لنبته تفاريع...
وتباشر البدوان باول حلوله...
عشب يجي له فالمسايل تناويع..
تزهى به الخدان عرضه وطوله...
يجيك يشمومه بريح الذعاذيع......
يجلاء هموم فالضمير محموله..
هذا هوى نفسي قبول الترابيع..
العمر يفنى والليالي عجوله
معلومات الاغنية
شيلة: طاح الربيع
كلمات: فالح فايز الدوسري
اداء: نواف الرجباني
تصميم: جنوبي
كلمات اغاني نواف الرجباني طاح الربيع
غناء : نواف الرجباني
كلمات : فالح فايز الدوسري
الحان : نواف الرجباني