كلمات لذة الحب نواف الرجباني
كل ما أسدل ظلامه قال للهم ناده
ليه نور الصباح أبطى وطول مضيفه
الشتاء ليله أطول منك يا عنق غاده
كل ماهب نسناسه وبين وحيفه
وشكل البرق في عرض المخيلة قلاده
قمت أخيل الهنوف أم الرموش الرهيفه
ماتمر بمحيط الفكر وتروح ساده
عاد لك شاعر نفسه لمثلك خفيفه
يستحق المحبه منك قبل الإشاده
والمحبة عواقبها كثار وكليفه
وسقت عمري وساقتني عليك الإراده
شمت لجلك ونفسي يم غيرك معيفه
بعد شفتك وكل فوق صهوة جواده
ماعرفت أتصدد والقلوب النظيفه
كل ماحبت تزود المحبة زياده
المفارق نصده كل ماسل سيفه
لذة الحب فيها نصر ولا شهاده
لك شعوري ولك قلب غصونه مريفه
أعلن لسلهمة عينك ووجهك جهاده
عنك مالي صدود ولا عيون كفيفه
وعن وصالك مافيني صبر ولا ركاده
شاعرك لو يغيب أنتي لا يدخلك خيفه
أنتي عيونه الثنتين وأنتي بلاده
وجهك الي يلازمني ليا غبت طيفه
أشكره كل يوم لطلته واجتهاده
كلمات اغاني نواف الرجباني لذة الحب
غناء : نواف الرجباني
كلمات : سعد لفى الشطيطي
الحان : نواف الرجباني