كلمات طارة النيسان خالد ال بريك
يحده على المسرى من تحده ظروفه
حديث الموديل مصدرينه من اليابان
ماودك عيون الحاسد المغرض تشوفه
ليا درجه من فيه خوف وعنا واحزان
دله في حياته وانصرف همه وخوفه
على شاشه ولمس وخرايط ثقه واتقان
جميع الدروب الكايده معه معروفه
وفي داخليه راحة الخاطر العمسان
تقول الغماره فندق فخمه وصوفه
اتله ليا من ضاق صدري وجوي شان
وعرض بصدري نسمة الغربي تلوفه
وانصيه راعي مرحبا طيب الجدان
كريم على طول الزمن يكرم ضيوفه
ابو مزيد اللي فعله يرجح الميزان
ليا من وقف للمعضله جمل وقوفه
خوي الشدايد في اللقاء سيفنا شامان
تجي فزعته عجله وبالطيب مردوفه
نبارك له الله يسعده بـ اعذب القيفان
ونرسله بيوت من القلب معزوفه
ولد مزيد ومزيد كريم وجمل وحصان
ابو تم وابشر واضرب الهم فالطوفه
هذا مزيد المطنوخ والمحزم المليان
تشابه لهمال المطر مدت كفوفه
اي والله مزيد مدهل الضيف والجيران
عسى ماتمره عثرة الوقت وصدوفه
من العزوه اللي صيتهم شامخ ورنان
نهار الزمان يسل للوقعه سيوفه
اقول الحقيقه مااحد يجهل الكرزان
هل المجد والتاريخ محفوظ برفوفه
على اصحابهم مثل المطر وابل وهتان
وعلى اخصامهم ماعندهم عطف ومروفه
الاد المقاطي للكرم قبله وعنوان
مايلحق عطاهم فالعرب من وحسوفه
اهل مجد مشرف وفعل على برهان
على دربهم صعبات الامور معسوفه
وليا ثار عج الخيل واجتمعو الفرسان
فعول المقاطي فالعدا ضرب شاخوفه
يمزع جموع القوم ثم يرهج الميدان
ماهوب الشرود معرض خصامه كتوفه
ولاد المقاطي حاضر وماضي الازمان
رجال على صرح المعالي لهم نوفه
شيوخ السرب والبيرق ومقدم العتبان
ياويل الخصيم اللي تعاديه وتحوفه
كلمات اغاني خالد ال بريك طارة النيسان
غناء : خالد ال بريك
كلمات : خالد ال بريك
الحان : خالد ال بريك