كلمات عدو الرخامه جمعه العريمي
حريز بن صالح عدو الرخامه
برق سرى في داجي الليل لماع
وغيث مواريه السعد والكرامه
قبلة عرب ثمريت محمود الاطباع
سيف من سيوف الكرم والشهامه
سليل مجد قروم وشيوخ وسباع
راس يطاول بالجميل الغمامه
من صلب قوم طيبهم في العرب شاع
خوار شعلة مجد عز وقرامه
أمدح فعوله كل ماهب ذعذاع
والمدح ماهو للردي والهلامه
المدح للي كنه المزن للقاع
وللي فعوله في المواقف كلامه
وحريز كم يشبع بمداته جياع
وكم دك فقر اللي شكى من عدامه
هذا قضى دينه وذا جاري ايداع
وهذا له اللكزس يسوقه كرامه
هو مبهج الخاطر وهو طب الاوجاع
وهو محزم اللي منقطع به حزامه
ياساري الظلما ماتخفاك الاسناع
روح يرافقك الغلا والسلامه
تلقى من يحييك يامرحبا الساع
وجه المرحب غاشيته ابتسامه
من يام غنى له على وزن وايقاع
شاعر ومدح حريز مابه ندامه
حريز حاز المجد في كل الاصقاع
وانا اشهد ان حريز للطيب هامه
كلمات اغاني جمعه العريمي عدو الرخامه
غناء : جمعه العريمي
كلمات : مهدي سميطان اليامي
الحان : جمعه العريمي