كلمات عكاز رحيلى جوني
والشمس نورها كان تملي حزين
والحلم كان احمال على كتافي
جايلك و ماشي من سنين و سنين
باب الحياة قدامي كان مقفول
وف قلبي شايل حلم نفسه يعيش
بانده عليكي مهما جرحي يطول
بانده عليكي ليه مابتجاوبيش
عكاز رحيلي ف غربتي انتي
ضحكة دموعي و سكتي انتي
بحري و سفينتي و صرختي انتي
دمي اللي سايل ع الحجر انتي
ريحة النجوم نبض الشجر انتي
حتى الهروب وقت الخطر انتي
صوتي و سكوتي و غنوتي انتي
فيكي اللي فاضل لسه من روحي
و انا من بعيد واقف و مستني
مستني تيجي و تلمسي جروحي
يمكن معاكي تبتدي تغني
يا كل شيء ممكن يطمني
قوليلي ليه في البرد سايباني
لو كل خطوة هتبعدك عني
ازاي شفايفي هتبتسم تاني
عكاز رحيلي ف غربتي انتي
ضحكة دموعي و سكتي انتي
بحري و سفينتي و صرختي انتي
كل اللي فاضل م الحنان انتي
رعشة ايديا من زمان انتي
خايف عليكي و خوفي كان انتي
صوتي و سكوتي و غنوتي انتي
كلمات اغاني جوني عكاز رحيلى
غناء : جوني
كلمات : انطونيوس نبيل
الحان : انطونيوس نبيل