كلمات علبة كبريت جوني
عود واحد هو اللي فاضلي وانا نفسي اعيش
علبة كبريت ف عينيها الخوف بقى مش معقول
وعشان تتطمن كان لازم احكيلها واقول
ف جيوبي حاجات تانية كتيرة اشكال والوان
مفاتيح بتجز على سنانها ومش عارفة تنام
اعلان مطبوع وزرار مقطوع من غير عنوان
وسجاير فرط باخاف م البرد يجيلها زكام
مناديل عطشانة وموعودة بعطشها تبات
وصور دبلانة بتتكعبل فيها الحكايات
وحاجات بتاكد اني باموت
وحاجات مخلوقة عشان تحتار
وحاجات بتقول لا مش مظبوط
وحاجات مش واصلة لاي قرار
وحاجات وحاجات وحاجات
مليانة وشوش ما بيتقابلوش غير ف المرايات
وحاجات وحاجات وحاجات
غاوية الفلسفة مع ان الدفا مش ف الاجابات
كلمات اغاني جوني علبة كبريت
غناء : جوني
كلمات : انطونيوس نبيل
الحان : انطونيوس نبيل