كلمات عمرين الوفاء محمد بن غرمان
والله ماجنّبها لو ان الشور من شيخٍ حكيم
والمطلق ليا من نوى عازه ونصّانا اللزوم
يبشربنا حالٍ ومال وفوقها راسن صديم
حنا معه وقت الترح قبل الفرح يعلن قدوم
وحنا المقابيس ان بغى في ظلمة الليل العتيم
وانته يبو عبدالله المعني من عيال القروم
تنساق لك جزل التحايا مع ذعاذيع النسيم
دعوة زواجك جاتنا مثل الرشاش من الغيوم
وانا من الفرحه تقول ان الحفل ليّه مقيم
ياخو محمد يا عريب الجد يا وافي السلوم
كيف اعتذر وانت اللذي ب اقسى مواقيفي نديم
يانسل قومٍ ذكرهم يصدح على عالي الرجوم
دولة بني عمرو العظيمه ما بها خبل ويتيم
عمرين عمرين الوفا في تهمها ولا الحزوم
مقدم مراويس العرب جلاّية الباشا سليم
رفيقهم من حظوته يقول وش معنى الهموم
ماهو يحاضي إلا الشبب والعز والحال النعيم
لو ان مانيب خثعمي ساسي مردد و امعلوم
لاقول انا عمري ومن لآد الكريمي من تميم
شجعان لاجا للملاقى وقع والزامي يزوم
مايعرفون الا النصر في حاضر الوقت وقديم
من قبل اخو نوره يجي ويوحد الصف ويقوم
قوة سلوم ابني عمرو مثل الصراط المستقيم
قومن على العز اعتلوا وحطوا على القمه وسوم
معروف من غير الكتب تاريخ عمرين العظيم
ويوم اتحد صف الامام اللي على الحق معزوم
صانو بني عمرو العهد لين إثبت النهج القويم
واليوم يومك يا بو عبدالله ولا يقفاك لوم
جعله مبارك يالشلي والله يفاولك الصتيم .
معلومات الاغنية
شيلة في زواج عبدالرحمن بن عبدالله العمري
كلمات نواف ال مزهود
اداء محمد بن غرمان
كلمات اغاني محمد بن غرمان عمرين الوفاء
غناء : محمد بن غرمان
كلمات : كلمات نواف ال مزهود
الحان : محمد بن غرمان