كلمات غناضه مسفر السندوانة
شارة تاريخها كل عام عايد
من مكارم جايزة زايد يبده
مهرجان داعمينه عيال زايد
دعم تطوير الجوايز مستجده
كل سنه ينضاف ع الشاره زوايد
لي مشارك بإستلام السيف وده
والسيىوف يسلما لأهل العوايد
حضروا لسيف حولن مستعده
في ختامي مهرجان الشيخ زايد
سابقات وحاصدات رموز عده
حضر له م الجريب و مالبعايد
الزموا شعاراتهن فوق الأشده
وصفن الحول المضامير اليوايد
ووصل ابو حمدان لي كلن يوده
يعل عمره طايل سنينن مدايد
التحدي حان ميعاده وجده
ملتقى ركض ونواميس وفوايد
والتنافس كالبحر جزره ومده
ع الهواء منقول مابه من يحايد
شفت صارت بينهن ع السيف هده
والمذيع ابطى بتعليقه محايد
واظهرت لي عندها طاقه وشده
كنها توطى على حامي الوقايد
شبر مركبها وغارب تستمده
والمعارف غطت حبال الجلايد
صدرها مشروح وإيديها مصده
وفي خوافي يوفها المخزون وايد
جاوزتهن كنها ظبيا في يده
وروحت قايد بغزلان شرايد
رشحوا غناظه وسيف الحول قده
م البدايه روحت بالهين قايد
ناقة اللي مدحنا صوبه مرده
صادق الهقوات شوفه للبعايد
سيف زايد له معالي الشيخ مده
واحتفل به حميد لي افعاله حمايد
بو محمد رمز واحد ما يسده
له عوايد ياخذ رموزا عدايد
والمضمر دوم هجنه مستعده
له في ظمر الهجن خبرات وشهايد
له يغني لي شبيه الورد خده
بالحسن ماله وصيف ولا ندايد
معلومات الاغنية
مهداة إلى سعادة حميد بن سعيد النيادي
بمناسبة فوز غناضه بالسيف الذهبي للحلول
المفتوح جائزة زايد الكبرى 2023
كلمات مبارك بن عامر الحبسي شاعر الميادين
اداء مسفر السندوانة
فيديو المفارق
كلمات اغاني مسفر السندوانة غناضه
غناء : مسفر السندوانة
كلمات : مبارك بن عامر الحبسي
الحان : مسفر السندوانه