كلمات فات معادك ونوس
لأ متقولش ان اللي اتقالك غير فيك حاجات و اثر
ياما شيلت و كنت ساكت ليه دلوقتي جاي بتبرطم
لو هتمشي بجد فكر ولا مش هترجع اصلا
عيشت فترات مش سهلة بس عدت
عدت اه بـ صعوبة لكن في النهاية اديها عدت
بعد ما كنت بزعل و اكتب اتغيرت بزعل و اكتم
لخص كل حاجة في جملة مش بتحسن مش هتحسن
بنقرب ليه و نبعد و بـ نبني في حدود
ليه بنخلق اسأله بليل ملهاش حلول
بنعالج ليه الناس و جوانا الحروق
بيني و بيني قايمة حروب مش هيشدك حد فوق
موت احسن ما تمد ايدك حوجة
شايفين انك محتاج مساعدة الناس مهياش حولة
لو حد كان عايز يساعدك فعلا كان هيساعدك
متطلبش عدي لوحدك في النهاية الشيلة بتاعتك
ـ
فات معادك ايه اللي جابك
زي ما بعدت مزاجك ابعد تاني ارجع مكانك
زي ما قدرت تعيش من غيري الحبة دول كمل جميلك
عيش من غيري الباقي و سيبني مش محتاج غير المزيكا
ـ
انا كل حتة فيا كانت بتعرق حزن
عنك حكيت لـ كل بيت و لـ كل ركن
و البعد مخلانيش في يوم لجأت لـ شرب
لكن انت لجأت لـ غيري نسيتني بعد اول حضن
شوفت طلعت بتنسي بسهولة
مشاكلك كان ممكن تعدي لولا سكوتك
بدل ما تعالج نفسك مستخسر فلوسك
راكن حبة عشان بسكوتك حبة اتشالوا لـ وقت موتك
انت مين انت اللي ضحى بـ كل شيء
ولا انت الضحية اصلا انت شيطان ولا انت شيخ
انت اللي خانك ضهرك ولا اكل العيش
ليه الحمل تقيل عليك و ماشي تردد كله خير
لو ده اختبار فـ غالبا فشلت فيه
من وقت روح و الناس بتنساني و بتسيب
مش هنسى امبارح انا منسيتش من سنين
مين كان جانبي و انا حزين مين اللي فرحلي كان مفيش
ـ
فات معادك ايه اللي جابك
زي ما بعدت مزاجك ابعد تاني ارجع مكانك
زي ما قدرت تعيش من غيري الحبة دول كمل جميلك
عيش من غيري الباقي و سيبني مش محتاج غير المزيكا
ـ
كلمات اغاني ونوس فات معادك
غناء : ونوس
كلمات : ونوس
الحان : ونوس