كلمات فارس احلامي شادية
عايزاك تفهمني تفهمني تفهمني
وتحقق صورة احلامي
تعاملني بقسوة وحنية
تجرحني وتداري علي
ونقضىي ساعات في الملاغية
زي الافلام الغرامية
عايزة حياتنا تكون على طول مشحونة عواطف
جد وهزل ورعد وبرق وريح وعواصف
عايزة احس بحب طاغي نور ونار
حب يملا لي فراغي ليل نهار
عايزة احس بحب طاغي نور ونار
حب يملا لي فراغي ليل نهار
وساعتها حقول انت حبيبي انت حبيبي
فارس احلامي حبيب قلبي وحبيب ايامي
انا عايزة الناس يتكلموا عنك
ويشاوروا عليك ويخافوا منك
انا عايزة الناس يتكلموا عنك
ويشاوروا عليك ويخافوا منك
واسمع عنك الف مغامرة والف حكاية
كل مغامرة يكتبوا عنها الف رواية
تسهر الامل وتضيع الملل
وتخلي كل ليلة وياك شهر عسل
وساعتها حقول انت حبيبي انت حبيبي
فارس احلامي حبيب قلبي وحبيب ايامي
يا حبيب ايامي ايامي ايامي
يا حبيب احلامي احلامي احلامي
يا حبيب ايامي ايامي ايامي
يا حبيب احلامي احلامي احلامي
مش بقول لك الكلام ده يعني بهرب من حياتي
ده انت حب العمر كله وانت احلى ذكرياتي
انا وياك على عهدي وحياة حبك عندي
بس احبك اكثر لما حتفهم قصدي
وساعتها حقول انت حبيبي انت حبيبي
فارس احلامي حبيب قلبي وحبيب ايامي وحبيب ايامي
كلمات اغاني شادية فارس احلامي
غناء : شادية
كلمات : حسين السيد
الحان : منير مراد