كلمات فراشة ودبابة جوني
ف معارك مش واصلة لمعنى
وبارود العالم مش قابل
انا وانتي الاحلام تجمعنا
دبحوا الاشجار زرعوا خنادق
بدل الورد بيهدوا بنادق
حاشينها بطلقات كوابيسهم
قدام بنادقهم مش فاضل
غير غنوة ف قلبنا بتناضل
مهما يحاصروها بمتاريسهم
على كفك انا كفي متبت
بنحطم قوانين الغابة
جوانا الفراشات بتنبت
قادرة تشيل اجدع دبابة
وتطير بيها لاعلى سحابة
علشان في الاخر تفلتها
وتطير بيها لاعلى سحابة
وتسيبهاالارض تفتفتها
نضحك على منظر تكسيرها
الخوذ القاسية تودعنا
الدنيا تلملم عصافيرها
ونغني ماحدش يمنعنا
وقتها اول ما هنتلاقى
هالمح ف عيونك طفلتنا
مش خايفة وهيا بتتشاقى
ف عينيها بتكمل غنوتنا
والعالم كله بيسمعنا
كلمات اغاني جوني فراشة ودبابة
غناء : جوني
كلمات : انطونيوس نبيل
الحان : انطونيوس نبيل