كلمات في الوثبة اسعد البطحري
راعي السبوق وف انتظاره
يفرق ويتميز مسماه
وختار له زايد شعاره
شيخا عسى الجنات مأواه
عند الرسول وفي جواره
يعلن وفي الوثبة الملاقاة
وين الركض يحلا مساره
دام الشيوخ الركض ترعاه
كل عام بيزيد ازدهاره
محمد رئيس الدولة أعطاه
و الدعم حقه واعتباره
الشيخ ابوخالد عطاياه
سيلن تحدر وبغزارة
وكل شي يخدم الشعب سواه
يدعم ولا يحاتي الخسارة
وجه اخوه وسيف يمناه
منصور لي نفذ قراره
لنه عضيده يوم وصاه
وسلطان عنده ومستشارة
كل واحدن للخير مسعاه
ويخدم موروثه وداره
وراعي الهجن حضر مطاياه
وأختار لي فيهن جدارة
تجفل من أصوات المناداة
وان ضربوها تشن غارة
هاذي علاج القلب وامناه
ياللي التربع ف الصدارة
كلمات اغاني اسعد البطحري في الوثبة
غناء : اسعد البطحري
كلمات : محمد بن راشد الزرعي
الحان : اسعد البطحري