كلمات لا تنكسر متعب بن دخنه
وزادة حصيلة معاناتي وطال السهر
يا جعل يسقى يديني لا امسكة في يديك
يا جعله ابرك زمان وجعله ابرك شهر
شاعرك مغرم بك وهايم وميت عليك
محبتن صافيه يا ابا الدلع والطهر
ودي اجي لك وعيا وقتي اني اجيك
وقتن ظروفه اتشوفني انجوم الظهر
انت امهرك ماهو ابدبله وساعه وشيك
الا العمر كل ابوه اقدمه لك مهر
ارخص لك الروح وابيع العرب واشتريك
ياللي وصالك سعاده وابتعادك قهر
كنك تناديني ابصوتك لا فكرت فيك
واقول لبيه من صادق ضميري جهر
من زينك الله يرحم والدا والديك
ما فيه مخلوقن اتمره كذا ما انبهر
لا تلوم من ذاب بين ايديك هذي وذيك
انته ولو قلب من شافك حديد انصهر
انا اهتويتك وحتى هاجسي مهتويك
ما فيه بيتنن ما قلته فيك ولا اشتهر
مالك بـ قلبي ولو ايطول بعدك شريك
محبتك ثابته بالقلب طول الدهر
لا تنكسر خل صرح الحب باقي سميك
اضيق لا شفت بـ خدودك مجاري نهر
لا عاد تنزل ادموعك عقبن ازعل عليك
اخاف بـ خدودك الثنتين ينبت زهر
معلومات الاغنية
كلمات سعد الهويدي
توزيع أحمد محروس
مكس وماستر معبدالرحمن الشهري تون لايف
تصميم الفيديو عبدالعزيز
كلمات اغاني متعب بن دخنه لا تنكسر
غناء : متعب بن دخنه
كلمات : سعد الهويدي
الحان : متعب بن دخنه