كلمات لقيت الدار ميحد حمد
خليه باكيه وبها عجايب
وقفت ابها وانا حيران ساعة
ودمع العين من موقي صبايب
الا يادار بالله خبرني
عن المحبوب قولي وين غايب
تقول الدار بعدك غادروني
وخلوني لعيات الهبايب
وسافر من تود وحال دونه
بحر وبرور واخطار ومصايب
رجعت ابحسرتي واهموم صدري
وتقلاني من العبره لهايب
الا يالله لاتقطع رجا اللي
يسالك عن رجوع محب غايب
عسى المحبوب يرجع بالسلامه
بحفظ منك ما تصيبه نوايب
محب مالك عقلي وروحي
وفي حبه رخيص العمر ذايب
يحلي بلو لو البحرين صدره
وحنا العين حطه في الروايب
عسى كل عام يا ديرة حبيبي
عليج يصب هطال السحايب
لقيت الدار من بعد الحبايب
خليه باكيه وبها عجايب
كلمات اغاني ميحد حمد لقيت الدار
غناء : ميحد حمد
كلمات : عبدالله بن سالم بن ذيبان
الحان : محمد ميحد