كلمات لكزس ثلجي محمد ال دلبج
يارافعً سبع وسبعً تحت مرسيها
تفرج على واحدً من ضيقته حنجي
ضاقت به الدار قاصيها ودانيها
ماهمه الا يعدي منفذ الخفجي
داخل حدود السعوديه واراضيها
عقب الحظر والتقيد وده ايسجي
والنفس عقب البطا وده يسليها
فوق اقطمً لانهمه ايزج به زجي
زج البحر للسفن لا انحت مراسيها
اموردً من دياره لكزسً ثلجي
قيمته ما كل رجالً بيصخيها
فل ابشنً كن وجهه مقدم اللنجي
متقوسً مثل قوسً بيد باريها
واليا تقفا يشابه جادلً غنجي
ليا زمت بالنحر والنود قافيها
لو يجمع اللاند والبترول والرنجي
قدام وجهه مايلقى غير طاريها
لا مسْك خطً يشابه جبهة الزنجي
في ليلةً يلتعج نور القمر فيها
بين المواتر ليا مشى كما الكنجي
محمد ابن الملك سلمان حاميها
امذوّق اعدا الشريعه شربةً همجي
يالين ماخابت وخابت هقاويها
منصا الخليجي لصار بموقفً حرجي
مثل النوايف تذري من يعديها
فيه القصايد تطول ويقصر الهرجي
حتى رواة الكتب تتعب رواويها
خواله اهل القنا والسيف والسرجي
حرابةً فاللقا ترهب معاديها
من روس يام الظفر قطاعة الفرجي
في شف ذودً تتالى في مشاهيها
فالمرجله والوفا حطو لهم نهجي
منهاج عزً على الطوله يمضيها
كلمات اغاني محمد ال دلبج لكزس ثلجي
غناء : محمد ال دلبج
كلمات : مسفر بن الطويل
الحان : محمد ال دلبج