كلمات ماني بالخوي اللي يجنب عن خويه حمد الطويل
ولا اعطيه بعض احيان ذات الاهميه
ولكن رفيقي لا اتصل جيت له بالحال
ماني بـ الخوي اللي يجنب عن اخويه
علي تنزل الفكره مثل وابل الهمال
واحبك القصيده وزن ومعنى وقافيه
ياتو استوت لي غير صبو لي الفنجال
مايضبط مزاجي غير فنجال بريه
هلا مرحبا باالمحفل اللي يسر البال
وفرحة رفيق الدرب ماهيب عاديه
يابو مبارك الوافي لك الشكر والاجلال
ونمدح مثل شرواك سر وعلانيه
صميدع خوي الجنب فاالحل والترحال
ياحي الرفيق الوافي القرم ياحيه
الك سمعتن عطره وذرب وكريم اسبال
والك موقفن مثل النجوم السماويه
ياعبدالرحمن القرم ياطيب الافعال
يارع المواقف واليمين السخاويه
ولد صيرميا فيه كل الامور اجزال
جزيل العطا ووقفته ماهي بـ عاديه
ابوك الفخر وافعاله اتسابق الاقوال
اي والله وسبع انعام لاحل طاريه
كريم العطايا ماشرى سمعته بالمال
وريث الكرم راع الكفوف النداويه
مبارك ولد ناصر وتضرب به الامثال
طليق الحجاج وصافي القلب والنيه
تحزم ي ابو مبارك ويفدونك الانذال
معك لابتن وقفات اهلها بطوليه
من الاد بدر اللي تشيل الحمول اثقال
تواريخ وامجاد وفعول حقيقيه
من اهل الفخر والعز والجود والابطال
رجالن لهم قدر ومكانه خصوصيه
قبايل نهد رجالهم عن مية رجال
اهل سمعتن عند العرب نارها حيه
هل الطيب والوقفات والوقت لامن مال
واهل وقفتن تعرف ليا ثارت الهيه
قبيله عريقه ذكرها ماضي ولازال
بشرقن وغرب وللحدود الجنوبيه
اقوله وانا من صيعر المجد والافعال
وتبقى مواقفنا على العز مبنيه
ودون الخوي نرخص له الجاه ولا المال
ونعز الرفيق الوافي ونلطم العيه
ولافيه قاصر فاالقبايل من آل و آل
اخوان وقبيله تحت حكم السعوديه
معلومات الاغنية
بمناسبة زواج عبدالرحمن بن مبارك ال بدر النهدي
كلمات الشاعر عبدالهادي ال وارد الصيعري
اداء المنشد حمد الطويل
كلمات اغاني حمد الطويل ماني بالخوي اللي يجنب عن خويه
غناء : حمد الطويل
كلمات : عبدالهادي ال وارد الصيعري
الحان : حمد الطويل