كلمات ما قلتلكش ان الكتره سيد درويش
واديك رايت كلام الامرا طلع تمام ولا فيهشى لواعة
غيرشى اللى كان هالك ابداننا ومطلع النجيل على عيننا
ان فهمى يكره حنا وايش دخل دول يا نا بس ف ديننا
دخل بناتنا اللى موقعنا فى بعضنا وراح لك متصدر
فقسنا لعبته واتجمعنا لا يضيع شرفنا الله لا يقدر
عاديك على اللى ادت له الدنيا وش وبقى له تركة ومتاعة
تشوفنا احنا تقول حنفية وتشوفه هوه تقول بلاعة
عايشين فى وادى النيل نشرب من عدادات على مللى وسنتى
من جاز لملح ومن سكر وترموايات لخواجة تريانتى
ربنا ما يوريكشى دوختنا الجيب نضيف اما البيت انضف
والهدمة دى اللى على جتتنا محجوز عليها دى عيشة تقرف
مالقيناش غير اضرابنا ولا انناش نبقى في اهانة
ضربوا لنا الاعور على عينه قال ماهي تلفانه تلفانه
لا والادهى من دي قولتهم علينا اننا عصبجيه
ياهل ترى ايه تعا نسالهم تتاكل ازاي ياسطى عطية
الحق كله على الاغنيا احم يا فرحتنا بشطارتهم
ملهيين فى روزا وماريا والسف نازل على امتهم
امتى بقى نشوف قرش المصرى يفضل فى بلده ولا يطلعشى
انتوا بمالكم واحنا بايدنا دى الايد لوحدها ما تسقفشى
كلمات اغاني سيد درويش ما قلتلكش ان الكتره
غناء : سيد درويش
كلمات : بديع خيري
الحان : سيد درويش