كلمات مبهر الغيث مسفر السندوانة
ما يسرك غير لي ساسه اصيل
ع الركض شمقات لو الدرب طال
م الحقايق للزمول وسن حيل
لو تبا تشوف العجب قرب تعال
جاهزات في المساء عقب المجيل
وشوط مبهر ما يصوره الخيال
م الرهوه كنه في مركاض خيل
لا عطاهن درب ولا أية مجال
لا ازقروه تقول فيه اشعل فتيل
لي عصاته كنها قوس الهلال
ولا شرا ركضه بتلقى له مثيل
له على طول المدى قو احتمال
يوصل الثيل ولا عنه يعيل
يندفع في الشوط ويقود الحلال
وعند كيلو اثنين عزم بالرحيل
الرقم واحد يباه ولا محال
وباقي القعدان ع الثاني ظويل
دايم الشامي على راسه يسال
ولو تزعفر خفه في حقه قليل
سبق هجن الغيث في كل احتفال
تيذب الاول ولا عنه تحيل
كلمات اغاني مسفر السندوانة مبهر الغيث
غناء : مسفر السندوانة
كلمات : الحشيم
الحان : مسفر السندوانه