كلمات محزمة القنازع حمد الطويل
انتحيت وياهجوسي غن هذا البيت غنه
ماعرف حزة قصيد ولاعرف سجع الحمامه
اعرف اللي حسها فالصدر حشراجه وكنه
اتفكر في مفاتن غيدا ارخت لي اللثامه
جوهرة شعر تقدم لآهل الشعر ومغنه
يامرام اللي يدور للعذوبه يامرامه
قدتش بسلك الحرير ورافع عنش الاعنه
انهمر وبلش وشبت نارش بـ راس العدامه
وارتفع لش بيرق تدرا يدين ارفعنه
في حلال من لفاها شاف تقدير وكرامه
الشحم والعود ودلال شذا الهيل اذعرنه
وان تطرقت المراجل والرحابه والكرامه
ماطرا لي غير عود مالنا مجناب منه
ايه ناصر عودنا اللي جعله بخير وسلامه
سن لعياله طريق ونهج ماكل يسنه
فارض نفسه بيمنا وطيب راس واستقامه
خل عنك من يقدر لجل شيباته وسنه
باسمه الترحيب ياخذله مقام من مقامه
صادق الترحيب ياضح في حجاجه قبل سنه
مرحبا حياكم الله والمعونه والسلامه
مرحبا بسم المعزب قلتها عني وعنه
في زواج اخواني الاثنين عدوان الرخامه
الله يبارك لهم والعيد كنه اليوم كنه
كل طيب ينسعى له قسمهم ذروة سنامه
وكل درب يقتدابه الخطاوي مااخلفنه
يابن عنيزان ربعك مجدها وسم وعلامه
من قبل محوالكم للحين مافوقه اكنه
من محزمة القنازع لاطمى السيل العدامه
ياردون ويقطعون ولا لااحد فضل ومنه
مايسل السيف عجمي غير ومطير عمامه
نوم عيني فالرخا ولا بزرقات الاسنه
يا ذرا يضفي على اللي خلي من حقوه حزامه
تمنون ويا زبين عجيم من الراس منه
وان تحالف من تحالف جعلها تقوم القيامه
نعتزي فالجد الاول لانتونا ولا نحنه
قالها اللي لو سعفه الوقت و اسهب في كلامه
زعل اللي كلنا ندرا زعله ونذود عنه
كلمات اغاني حمد الطويل محزمة القنازع
غناء : حمد الطويل
كلمات : فهد بن جارالله
الحان : حمد الطويل