كلمات مشتاقين احمد منيب
لنبع الحبايب
لبلاد النخيل والغيط
هيعود اللى غايب
للحب الكبير
والشوق الكتير
مشتاقين يا ناس لبلاد الدهب
كبر الشوق جوه القلب
كان لسه فى حضنى الحب
خدنا ومشينا
والايام خدتنا
رحلة عودة
ناويين اننا راجعين
يا بلادي ومشتاقين
مشتاقين يا ناس لبلاد الدهب
نادرين لما نرجع تانى
لبلاد الجمال ربانى
جوه البيت هنزرع نخلة
تطرح خير وتعمل ضلة
والعصافير تلقط غلة
فى الحوش الكبير والرملة
جار الساقية فى العصرية
نحكى حكاوى
والافراح هتملى الناحية
ويا غناوى
مشتاقين يا ناس لبلاد الدهب
كلمات اغاني احمد منيب مشتاقين
غناء : احمد منيب
كلمات : محي الدين شريف
الحان : احمد منيب