كلمات من سطرهم راح نجد العذيه مجزره خالد ال بريك
من بحرك اللي مواجه تلاطم ندره
واحدن عند المواجيب ماهوب ايحضر
لو يغني كل يومين شعره دندره
واجد الشعار مير الجزاله تنحصر
والقصيد الجزل في كل مجلس نذكره
ومن تعب في فكرته جاب له فكره بكر
كنه يقطف راس الابداع من غصن شجره
وان زهمني صاحبي والحميه تدهر
الحميه تسوق راس الكفو للمقبره
من بطن نجد العذيه على نور القمر
لا مطيح الشمس تل العصيمي موتره
ناصيا دار الكرامه وسيسان الفخر
واجبه والواجبه ما تزعزعنا شعره
في سبيل المرجلة والرفاقه والقدر
يوم ولد اللاش يعطي المواجيب ظهره
ما ضرينا الا على الطيب لو شان الدهر
كل ما شان الدهر زادت الروس نعره
الولد دون المراجل لو انه اشتهر
والله انه في عيون العرب مثل المره
والقصايد في نعاتيت ربعي تنصخر
يستحق المدح من وقفته عن اعشره
يرتفع رتم القصيده ويزداد السطر
دامها في ابو سفر جعلنا مانخسره
من خبرته والنفيعي يشد ابه الظهر
عيلمن سود الليال العنيفه تظهره
ان بغيته في سهل وان بغيته في وعر
دون ماقف صاحبه ما يعرف المعذره
من نشدني قلت هذاك عادل بن سفر
محزم اللي شهب الايام تلعن كوثره
ابن عمي يوم كلن له حزام وظهر
ابلجن عند العلوم الكبيره نذخره
امدحه من طيب راسه ومن زود الظفر
صاحبي وابمدحه والرجال امقدره
ربعه الصفيان وان ركبوا القحص الشقر
روس قومن تنطح الشيخ وتفج انحره
اشهد ان الصيت باقي من الوقت الغبر
اخذو امن الطيب واخذو من المجد اكبره
سربتن في ربعي عتيبه بوقت القشر
من تلوى في ذراها خصيمه تدحره
والله اللي لي قبيله يوم الجمع انحدر
من سطرهم راح نجد العذية مجزره
كلمات اغاني خالد ال بريك من سطرهم راح نجد العذيه مجزره
غناء : خالد ال بريك
كلمات : عبدالمحسن العصيمي
الحان : خالد ال بريك