كلمات نار العشق احمد ال شملان
والله على ذكرى الليالي القديمه
روّح و انا كل الجوارح تناديه
و صبري تحداني و قلبي نديمه
انا اشهد انه من سبايب تغليه
الي توصى بي عذاب و حريمه
كنت اتناسى عاذلاً كان يطريه
ما يدري ان نار العشق مستهيمه
ما ودي اني في سؤالي اعنيه
لو ارتكب في حق حبي جريمة
ما به مبرر يشرح الي يسويه
غبني على قلبن عروقة حطيمة
يا وقت ماضي قد سهرنا لياليه
ونور القمر مشرق علينا سديمة
ليته رئف في خافقي قبل ياذيه
ما دام يدينه بجرحي اثيمه
ارخصت له عمري وكل شيء يفديه
و ما به بحبه انتصار و هزيمه
اشفق عليه وكل وقتي اراضيه
ولا يعتبر قدري ولافيه شيمه
تدري وش الي خاطري صدق يكويه
انه سمع لاهل الكذب و النميمة
ليت السعادة في يدي ثم انا اعطيه
لو تصبح عيوني بعدها عديمه
دام المفارق رغبته ما اقدر اثنيه
لو كان قلبي محترق من صميمه
ياربي انك في حياته تهنيه
اللي ضلوع الصدر بعده هشيمه
كلمات اغاني احمد ال شملان نار العشق
غناء : احمد ال شملان
كلمات : زياد المالكي
الحان : محمد مصطفى