كلمات نجاح بن حمدون سلطان العذبه
بعثرت الاوراق والترشيح يا الكايد
السيف مضمون والشلفا لممدوحه
حمرا تقاطر غلا واتقول واتزايد
كن لونها من عروق رماح وسيوحه
عرق مطره الولي من خيره الوايد
والسيف روح مع ملحا ومملوحه
زود على الركض شكل فارق و رايد
شهادتي في نجاح السيف مجروحه
ترشيح الاجماع اكبر شاهد شايد
من يوم تقفي ترا الروحه هي الروحه
اربط حزامك ولا تقرب يد السايد
ملك ابلج له عصي الضمر مطروحه
من يوم عاده يضمر هجن ابو زايد
ربي مجمله والله معلي اصروحه
امنين ماراح يرجع صايد وفايد
حمدون ربي رفع قيمته و اشبوحه
من يوم ما خلق كنه في ظهر نايد
الله يبقيه والله يبطي بروحه
والخير والسبق جعله زايد وعايد
كلمات اغاني سلطان العذبه نجاح بن حمدون
غناء : سلطان العذبه
كلمات : محمد بن سالم لحيمر
الحان : سلطان العذبه