كلمات ندر الهين سلطان العذبه
ربن خلقنا له مصلين
يا سامعن مني قصيده
قصيدتن في ندر الهين
اللي مزاياها فريده
دايم ذكرها في الميادين
ناموسها كلن يحيده
وانجازها كاسن وسيفين
في لمة السبق عنيده
وقت التنافس مول ماتلين
في شوط نيرانه وقيده
والجايزه خمسة ملايين
دايم وتيماته جديده
وكم من شعارن فيه مايبين
ماينفع الساعي بريده
ولا يفيد راعي الهجن تخمين
ومن كانت السبق رصيده
ياخذ مع الرمزين رمزين
ومع شرح في جمله مفيده
لول وثاني وثالث امحين
ومن العلا لدبي سيده
زفن بدال الرمز رمزين
ولمهند فعوله عديده
قبل العلا ياب البراهين
التيم قد قطع وريده
ماقد تسجل في القعادين
وانقولها فرصه سعيده
مع هدعش سبعه وخمسين
كلمات اغاني سلطان العذبه ندر الهين
غناء : سلطان العذبه
كلمات : علي بن راشد بن غدير
الحان : سلطان العذبه