كلمات هامة المجد خالد ال بريك
إلى شرفونا هامة المجد وأسياده
ويفخر قصيد وقفته في النهار العود
تكفيه عن ميقاف عامين وزيادة
هلا مرحبا يامشعل الجود يابن سعود
وريث الشداد إللي تفاخر به شداده
هلا مرحبا ماساق دهم السحايب نود
وعدد ما لمع برقه وماحن رعاده
هلابك يابو فيصل بليل عساه يعود
فرشنا الصدور لمقدمك فرش سجاده
تقدم ولك بصدورنا يالامير اوجود
بنيته بطيبك والغلا ثبت أوتاده
يرحب بك إبن نمر بإسمه ومعه حشود
من كبار الأسماء والوفاء بينهم عادة
شيوخ توارثوا الولاء حب لآل سعود
ولاساوموا في الحب من يدفع زيادة
من أيامها بالسيف والرمح والبارود
من أيام وأغنى القوم مايشبعه زاده
ولانا عليه عهود وإلنا عليه شهود
مع جدك إللي حطم الجهل وأباده
تدافع قبايل نجد دون الحدود جنود
وكلن رقبته دون موطنه سداده
وطوا دونها فرعون والعون والنمرود
وراس العنيد إللي تمادا به عناده
إلين أصبحت عذرا لها في بهاها زود
ولبست لها من كف أبو تركي قلاده
مواقف تشرف ونتفاخر بها ونزود
يطاول بها إللي وارث وقفة أجداده
وفعل الدواسر والفدا واقع المشهود
مع معزي ومن بعده أبناه وأحفاده
يوقف له التاريخ تقدير لاهل الجود
قيادة تبيع الروح لأوامر قيادة
تحت بيرق إللي خاضها فوق سبع عقود
ولا نادم الراحة ولا كبر وساده
يبي ورث أبوه وورث جد وراه جدود
ووطى جمرة لاجله من الموت وقادة
هلا مرحبا ياهامة المجد يابن سعود
وشرد القصايد في مزاياك منقادة
يكفيك فخر إنك يامشعل سليل العود
وعلى ذكر أبو خيرين الامداح ورادة
كلمات اغاني خالد ال بريك هامة المجد
غناء : خالد ال بريك
كلمات : نايف مسرع الدوسري
الحان : خالد ال بريك