كلمات هبي علي يابارداة النسانسيس خالد ال بريك
هبي على جاشن تزايد وقيده
سامرت ليلك يا النجوم المناكيس
انثر شريط الذاكره وأستعيده
مدامت الدنيا لطرفه وابن قيس
والله تعالى يفعل اللي يريده
أما طلعنا مثل طلع القرانيس
والا على هرون تبكي زبيده
مافيه داعي للقلق والوساويس
ولا الحسايف والحياه الزهيده
العمر مره والسنين المتاعيس
بكره تقفاها السنين السعيده
ياراس لاتشغلك كثر الهواجيس
اللي مضى لايمكن انا نعيده
أطلق خيال الفكر طلق المحابيس
وخل الفرايد تجتمع في فريده
خل الحبر يدمي وجيه القراطيس
في مدح شوباشن عسى الله يزيده
من قبل لاسهب فى ثنا الكفو بقيس
بيتن تردده العرب من قصيده
بيتن لشيخن فيه للمجد تدريس
معناه صعب وصعب كلن يجيده
من لايقدم شذرة السيف والكيس
يبدي عليه امن الليالي ضهيده
وفارس مقدم مبعدات المراميس
أفنا لها اللي يملكه من رصيده
حظر بفايز خير ماضم في العيس
من طيب فعله مايقرع بقيده
عليه أسمي وأتعوذ من ابليس
يومه تقدم فأخر الشوط سيده
جا من ورا القعدان يوم احتما الريس
وخل بعضها عن بعضها شريده
زفوه للتتويج زف المعريس
حرن تهز الارض من هبدة أيده
ناموس تستاهل ياراعي النواميس
عوايدن ماهي عليك بجديده
فارس محمد ياعدو المفاليس
يابن سلامه أشهد أنك وليده
صيتك يابو حمدان عدا المراويس
لاقلت فارس قيل ياجيد جيده
مجلي عمس روس الطروش المعاميس
الكف هيلع والهقاوي بعيده
ياذخر قومن في الليالي المقابيس
من بطشهم كم نزحو من بديده
حمر السيوف امجندلين الفواعيس
ال العقيلات الدهاة المجيده
بني عطيه في سماء المجد جليس
اهل الكرم وأهل الصفات الحميده
لنار شبابه وللخيل فريس
فرز الوغا ومطوعين العنيده
تم السلام ختام والشعر احسيس
يستاهله من يصنع المجد بيده
كلمات اغاني خالد ال بريك هبي علي يابارداة النسانسيس
غناء : خالد ال بريك
كلمات : مبارك بن مدغم الاكلبي
الحان : خالد ال بريك