كلمات هجن غزر اسعد البطحري
اطوّع حصان الفكر ، واصوغ جزل حلولها
وسعيد .. يالّي ذاع صيته ، وبالطّاري الجزيل
وافي ، ومن روس العرب ، وكبارها ، وزحولها
من لابة اهل الحقّ ، واهل المجد ، والسّيف الصّقيل
واهل الكرم ، والطّيب ، واهل الطّايله ، واصولها
انشهد انّ سعيد حدٍ ، ومزبان الدخيل
راعي البكار النّاره لي مابطل مفعولها
اذا حضرن بين الذلايل ركضهن ماله مثيل
اتحيّر ذهون الحضور إذا لحقت ، وعقولها
عراض خدٍ وافي ، وعرقوبهن كن فيه ميل
طفح اللّواحي .. مادخل غير النّقو من حولها
منهن " غزر " لي ذكرها قد شاع ، ما يبغي دليل
البكره الي فارقٍ بين الذلايل طولها
مدورة لضلاع كوره ، وغارب سناد وطويل
والورك مازر ممتلي .. تشبه وروك خيولها
اما " كرم " سوّت حدث في شوطٍ عياره ثقيل
غارت على الاول ، ولا كزّت من الّي حولها
مدّت بدنها يفترق فيها عميلً عن عميل
والنحر وسعه واديٍ سالت عليه سيولها
وان ييت بوصف بكرةٍ فيها الوصايف ماتعيل
لـ " كنز " صغناها مسيرتها ذهب مع لولها
حربة لذاني شدوقها مثل العذوق الي تميل
جردا رقبتها ضلع تاخذ من وصوف فحولها
اذا ادخلت في ساحة الميدان ماتبغي القليل
مطلوبها النّاموس مايصعب عليه وصولها
" وطويق " على الاوّل حشى م يرتضي بغيره بديل
في ساحة الميدان هوه يصولها ، ويجولها
ومنهن ذلولٍ وافيه لي شكلها نادر جميل
" المزن " تفتح للتحدي بابها وقفولها
يعل المطر ع ديار ابو اسعد محاديره تسيل
ويسقي من خيار البكار ايذاعها مع حولها
والخاتمه سمحوا على الشّي الكثير و ع القليل
وصلّوا على الّي دعوة الاسلام هو مرسولها
معلومات الاغنية
اهداء الى :: سعيد بن علي ولد العوص العويسي
اهداء من :: اسعد بن سعيد ولد العوص العويسي
كلمات :: تميم بن ناصر التميمي
اداء :: أسعد البطحري
اشراف :: محمد مانع البطحري
ت. فيديو :: المفارق
كلمات اغاني اسعد البطحري هجن غزر
غناء : اسعد البطحري
كلمات : تميم بن ناصر التميمي
الحان : اسعد البطحري