كلمات هلا بالتوت والسكر ماجد الرسلاني
طلبتك يازمن قاسي
تراه اقرب من انفاسي
لعبت بمجمل احساسي
على شوق والم واطعون
بليل العاشق الولهان
سقاه البعد والحرمان
هموم وحسرةن واحزان
على نار الجفا يمسون
فراقك احرق احداقي
وشب النار باعماقي
وفوق الحبر واوراقي
نثرته دمعي المخزون
تمنيتك تداويني
وتروي بشوفتك عيني
وضاعت اجمل سنيني
وانا في عالمك مسجون
تحدتنا الظروف وصار
بكل اعماقنا اصرار
ولو هي ضدنا الاقدار
تموت اقلوبنا ماتخون
رجعنا من بعد فرقى
عيونن ذابله غرقى
وحمام الدوح والورقى
تغنينا طرب والحون
ياساكن خافقي ارحب
يامالي دنيتي بالحب
غلا ولساني لك يسحب
شعورن داخلي مدفون
به ارحب غصنك الميال
هلابه لنثنى لي ومال
وأحيا داخلي أمال
هلا في رجعتك مليون
تمخطر عاذلك خله
يموت اليوم في غله
عليك اسم الله اسم الله
لاحامت بالحسود اعيون
هلا باللي ملك قلبي
رجع دربه على دربي
وكله اصبح بقربي
على جور الزمن لي عون
ارحبك من الاعماق
واضمك ضمة المشتاق
تكفي غربة العشاق
وقصة عاشقن مفتون
هلا بالتوت والسكر
وريح المسك والعنبر
هلا ياجنتي واكثر
هلا بالؤلؤ المكنون
اخيلك بالسما غيمه
سحاب امطارها ديمه
لها في عالمي قيمه
وجودك لسحاب امزون
بك ارحب ياملاك الارض
يامالك طولها والعرض
يافارض كل شين فرض
على قلبن معك مرهون
عيونك رمشها الضافي
يداري سرها الخافي
حبيبك وسطها غافي
سكنها وال تحف بجفون
بك ارحب جوهر اعماقي
هلا باحساسي الباقي
يترجم كل اشواقي
واصير العاشق المجنون
احسك للعيون الشوف
ونبض لقلبي المعسوف
بعشقن للملا مكشوف
لعل ويا عسى يحسون
بك ارحب يجمل احلامي
بك ارحب بسمة ايامي
هلا يامصدر الهامي
هلابك شعري الموزون
بقربك دوم تحييني
طلبتك لا تخليني
وجودك صدق يغنيني
واحس اني ملكت الكون
كلمات اغاني ماجد الرسلاني هلا بالتوت والسكر
غناء : ماجد الرسلاني
كلمات : البدر العوني
الحان : ماجد الرسلاني