كلمات وانا من يام بن يصبا اليعربيه خالد ال بريك
واخذو من الجمر لامن فاح ماها
ودي اعدي حدود الجاذبيه
لين احول بالثريا من سماها
طاوعنيني يالحروف الابجديه
واتجلا بالقصيده وامعناها
مايجيب البيت قو الشاعريه
يبدعه طيب الرياجيل ونباها
وان قصدت اقصد بليا مرحميه
تدحم صمخ المعاني في سراها
والحشيم من العرب حقه عليه
احشم اربوعه واحشمه من وراها
وانا من يام بن يصبا اليعربيه
واتعنصر واتفاخر واتباها
انتواصا عند شيخان السريه
لين تسمح من مواجهنا اعقداها
لابتي يوم العرب فـ الجاهليه
ماهي توخذ ابلها ولا اقصراها
ياسلام الله سلام وعنجهيه
والعرب تطمع عسى الله ايهداها
وابن روضه هاضني والنار حيه
يدحم اهل الصفر واتعود وراها
سم ياهادي ولا تبغي وصيه
عندك أهل الشوط واكفيك اشعراها
يوخذ الناموس مايهدا هديه
وصل اشواط النوادر منتهاها
اقبل بـ مرهق عليهم فـ اضحويه
والجنب ربع يدلـه في ذراها
قدمه صوب المراكز الاوليه
ماهوب ايقدم على هاها وهاها
اصفر كله قبول وجاذبيه
وآهل القعدان لا يكثر لغاها
ادلخ وجهه مايقصر عن لحيه
والتواصيف الله مكمل حلاها
كنه امسند يدينه في طميه
يوم قعدان العرب تقصر يداها
وامه من ابلك ماضويته شريه
وماتفكر فـ الرجال ومشتراها
عرض اهل الصيفران المهمهيه
لين يثني عقبها نقطع ضماها
كلمات اغاني خالد ال بريك وانا من يام بن يصبا اليعربيه
غناء : خالد ال بريك
كلمات : شبيب بن شبنان
الحان : خالد ال بريك