كلمات وجه السعد ماجد الرسلاني
يطرب على المعنى طرب
قصيدةً بين العرب
بالطيب محدً قدها
.
باسم الاصيل ابن الاصيل
الي طوى الدرب الطويل
التويجري ماله مثيل
تاجً على ماردها
.
في عبدالمحسن نستجيز
قدرً لمن قدره عزيز
دايم ولد عبدالعزيز
سود الليال ندها
.
بالفعل وارث فعل ابوه
الي يعز الي نصوه
وابوه قالو من لفوه
روحه من الله ودها
.
تواجر بعز واساس
للمرجله فيهم حماس
من روس قوم وخير ناس
ربعً عزيزً جدها
.
تواجر بمجد وشرف
فيهم من الهيبه ترف
من فيه عنهم ماعرف
عزوه منيعً سدها
.
وفي عبدالمحسن للشموخ
عزمً رفض على الرضوخ
يالشيخ يانسل الشيوخ
كل اللزوم تسدها
.
والدوله الي حالها
تفخر بكل اجيالها
انت اسمك من رجالها
سيره بعيدً حدها
.
وبالمجمعه عند الجميع
يامالك العلم البديع
ياصانعً خير الصنيع
يامن عزومه شدها
.
وفي نادي الفيحاء بعد
دعمت ياوجه السعد
فريق للقمه صعد
وكل الصعايب صدها
.
سلامتك يابن الحلال
ياساكن قلوب الرجال
يامن على القمه مثال
وعلوم يصعب عدها
.
وقفاتك اتهد الصخر
عساك بالدينا ذخر
شرواك بعلوم الفخر
تسلم يمينً مدها
.
في المعاني مانست
روحً على القمة رست
وحمول وقتك لاقست
تفز لين تهدها
.
وانا من سبيع الكرام
وانت بعيوني لك مقام
لك حق وافي واحترام
وكلمه لزوم نعدها
.
ياعبدالمحسن من زمان
انت الابوه والامان
وانت الوفى وانت الضمان
وانت المهابه قدها
كلمات اغاني ماجد الرسلاني وجه السعد
غناء : ماجد الرسلاني
كلمات : ماجد الرسلاني
الحان : ماجد الرسلاني