كلمات وصية ابويا ماجد الرسلاني
ويعيش راسي محتفظ بالوصيه
الاوله : دينك و صل الصلوات
واتبع هدى ربك و سنة نبيه
والثانيه : حب الوطن والقيادات
لولا الوطن ما كان نملك هويه
والثالثه لأخوك قدر و مقامات
ترى الاخو لأخوه ما فيه زيه
والرابعه : للجار و الربع وقفات
الجار في دينك ، و ربعك حميه
والخامسه : حرصك على الفعل بذات
الفعل يبقى والعزايم قويه
والسادسه : واجبك في كل الاوقات
اللي يخصك قول واجب عليه
والسابعه : للهرج درب وعلامات
لسانك احصانك ترى النار حيه
والثامنه : حذراك بعض العلاقات
الرجل ينظر له بنظرة خويه
والتاسعه: دنياك هاذي ملذات
اول خطيه تتبعها خطيه
والعاشره : لناس لاتكون شمات
الوقت داير لاتصير الضحيه
يا ابوي انا حاضر ف كل المهمات
تامر على العينين هذي و ذيه
يا الله عسى باقي حياتك مسرات
ياتاج راسي والوصايا هديه
كلمات اغاني ماجد الرسلاني وصية ابويا
غناء : ماجد الرسلاني
كلمات : بندر عبدالعزيز السهلي
الحان : ماجد الرسلاني