كلمات 100 سؤال ونوس
كل الظروف كانت بتقول انك هتمشي
مع ذلك اتمسكت بيك فـ ليه بتسيبني
معرفتش امشي في سكة تانية تقولش رجلي
غاوية تدوس عـ الشوك بكيفها تروح لباب مقفول في وشي
خليك بعيد ادام ارتاحت
ادام من غيري الدنيا حلوة و شوفت الفرق
انا برده حاسس ان كان على زوري حبل
بعدك بجد الحمل خف و زعلي قل
و انا مجيبتش سيرتك لما عرفت حد جديد
و ده علشان قرفت منك مش علشان بقيت ناسيك
فعلا مزعلتش لما قالوا انك خلاص مشيت
انا مزعلتش غير في بعد ابويا و صاحبة التفاصيل
اما انت انت خسارة فيك دموعي
زي ما خسارة ان انا اكتبلك و انت ارخص من سطوري
انت خسارة فيك الحرق و خسارة فيك الوقت
اللي انا ضيعته عشان صدقت حبك ليا و طلع وهم
ـ
مفوقتش من دور الضحية
لسه بتكتب اني و اني و تجيب العيوب دي فيا
لسه مصدق اني شيطان و ان انت كنت ملاك
طب ليه محدش مـ اللي بتحكي ليهم بيكمل معاك
ـ
كل الحكاية ان انت مش قابل عيوبك
فـ ازاي مستني الناس تقبلها و يعدولك
ان انت بتكدب حتى لو رديت سلامك
كل الناس بقت بتشك فـ كل رد من ردودك
هل راضي بـ اللي وصلت لي
و انت السبب فـ ده متقولش ناس تانيين
بتخبي كل حاجة حتى لو عادية
كدبك خلاني بقيت بـ اشك فيك و فيا
بدون اسباب بتسيبني ويا جلد الذات
و اهرب مني و اروح و انام و الكابوس تاني بيتعاد
بحلم نفس الحلم ليه و اشمعنى الحلم ده بالذات
كان جوا راسي 100 سؤال
مجاوبتنيش سابتني لـ دماغي و ده اسوء
مكنش اسمها مساحة لأ دي اسمها القسوة
كان رسمك حلو بس كل الوانك باهتة
اعذارك هبلة و انا اصلا بطلت اصدق
ـ
مفوقتش من دور الضحية
لسه بتكتب اني و اني و تجيب العيوب دي فيا
لسه مصدق اني شيطان و ان انت كنت ملاك
طب ليه محدش مـ اللي بتحكي ليهم بيكمل معاك
كلمات اغاني ونوس 100 سؤال
غناء : ونوس
كلمات : ونوس
الحان : ونوس