كلمات الطرف الحنون فايز الدوسري
خيمت في وسط راسي وخلته اثعوي
انا شاعر لاظلم الليل جريت اللحون
والمفارق والهواجيس تكويني كوي
صدري الرحب اصبح اليوم ضايق ومغبون
وذايق من سود الايام مر ومرتوي
نعنبو وقت جعلني لصكاته زبون
وقال ماودي بغيرك على الدنيا خوي
توني في مطلع العمر مير الحظ دون
لي طموح ماتحقق وحظ ملتوي
نوب يزين الحظ واحيان خبل ماش لون
نعنبو جده لوا اطموحي العالي لوي
يالله اني طالبك لاتخيبلي ضنون
الاماني واجده مير عيت تستوي
اهلكتني ضيقة الصدر ياللي تسئلون
واشعلت في داخلي ضو تشويني شوي
من سبايب من فقدته وفقده مايهون
انزرع هم بصدري طوى حالي طوي
فاقد لي درع وحزام جنب للمتون
لي حوالي سبعة اعوام ولا اكثر شوي
وزادت العله بدرب المحبه والفتون
واغرزت في ثومة القلب واغوتني غوي
يامناة الروح يام الدلع دعج العيون
خفي امن الكبر للي لحبك مهتوي
الكبر للي خلقنا وكون كل كون
لا على وجه البسيطه بدون الله قوي
ياعظيمه المحبه لها ذوق وفنون
والحياه اللي معك شف بال ومطروي
ارحمي قلب من الوقت زادتبه طعون
كل ماخفت همومه تعود تقتوي
جعلني فدوة محياك يا الطرف الحنون
لاتزيدين المواجع على قلب بدوي
كلمات اغاني فايز الدوسري الطرف الحنون
غناء : فايز الدوسري
كلمات : فيصل عايض البقمي
الحان : فايز الدوسري