كلمات المبسم المعسول فايز الدوسري
على متنك الفح في جدايلك وافهقها
تولعت بك وانا عليك اشتحن واقول
مقد شفت غيدا خصرها مثل عاتقها
تمادا خيالي فيك واسهبت بالمرسول
على نور وجهك غيمتي لاح بارقهاا
ترفق علي شوي ف المبسم المعسول
لاتنتل عروق القلب بـ ايدك وتسرقها
انا اضيع بين عيونك وخصرك المفتول
مثل ماتضيع السالفه يوم ابى انطقهاا
ياوجه بياضه مثل نور القمر مجمول
عليه العهود من المحبه موثقهاا
اهيم بطرفك الناعس وعنقك المنتول
مثل ماتهيم العامريه وعاشقهاا
عذابي من عيونك ومن رمشك المسلول
ومن التينتين اللي سنااا الشوق محرقهاا
شفاياك فيها من الجمر والعسل واللول
انا ودي اقرررب توتها واتذوقهاا
لاتبخل علي بشوفتك يافريع الطول
موااعيد حبك قمت احسب دقايقها
غزتني طيوفك غزوة اللي سلب له شول
عديم عليه القوم تلحم بنادقهااا
سهوم المحبه توجع الخاطر المذهول
رمتني وانا اللي في هوى الحب سايقها
مدام الهوى بابه مشرع بدون قفول
ابى اعوم ف بحور الهواجيس واطرقها
ولا يشغلك هرج الخلايق وزحم الضول
انا معك لين الروح ترجع ل خالقهااا
كلمات اغاني فايز الدوسري المبسم المعسول
غناء : فايز الدوسري
كلمات : فيحان بن عايد الاسعدي
الحان : فايز الدوسري