كلمات وجة نظر فايز الدوسري
يا اغلا من الدنيا على مفتونها
فيك الوصوف من الخيال الى المحال
ابعد من احلام البشر وظنونها
يا شيخة الخفرات ربات الجمال
يا فارقه بحضورها وبدونها
تبينها من جد ولا من خيال
ملامحك ملح الحياه ولونها
خلي عيون الطير وعيون الغزال
عيونك اجمل من جمال عيونها
ما انتي بورده بين ضلع وبين جال
ولا انتي سحابه والعرب يتلونها
ولا انتي قمر مره بدر مره هلال
ولا انتي بـ شمس احيان ما يبغونها
انتي سعاده بعد دمعه وابتهال
لا زاد رق احساسها وشجونها
وانتي رضا الزاهد على سود الليال
اللي ثلاث ارباعنا يشكونها
بين القصار من الغواني والطوال
تملين ذوق عيون ما يملونها
طلتك دايم في عزا ولا احتفال
لحظه جميع الناس ما ينسونها
تطرين مثل الاغنيه في كرنفال
اللي من اول كلمه يعرفونها
وتجين مثل الحق بعد الاحتيال
والحاجه اللي من ضمير يبونها
وتقفين مثل الغدر بعد الاتكال
والحسره اللي فالحشا يخفونها
وفلان قال فلان حط فلان شال
اغلب شعوب العالم يقولونها
عندك عتب وجهة نظر ولا سؤال
تفضلي وانتي وانا من دونها
مافيه درب ولا طريق ولا مجال
اكسب رضا عيونك عشان اخونها
وانا الغريب اللي ما يضرب في مثال
وغايات نفسه ما كشف مكنونها
نفسه تزيد جنونها وابن الحلال
حاول يهديها وزاد جنونها
كلمات عساف أبو ثنين
اداء فايز الدوسري
وتوزيع محمد العلي
جرافيكس ناصر البقمي
كلمات اغاني فايز الدوسري وجة نظر
غناء : فايز الدوسري
كلمات : عساف ابو ثنين
الحان : فايز الدوسري